ભારે વરસાદના કારણે 11 ગામડામાં અંધારપટ્ટ: 397 વિજપોલ ધરાશાયી

ગઈકાલે પડેલ સાર્વત્રિક ભારે વરસાદને પગલે મોટી તારાજી સર્જાણી છે. ધોધમાર વરસાદ પડવાના કારણે 11 ગામડામાં અંધારપટ્ટ છવાઈ ગયા હતા. જયારે 135 ફિડર બંધ થયા હતા. ભારે નુકશાની થતા વિજ તંત્ર દોડતું થયું હતું. અને તાત્કાલીક ધોરણે કામગીરી હાથ ધરી હતી. વીજળી ગુલ રહેતા લોકોને ભારે હાલાકી વેઠવી પડી હતી. ખેતરોના ફીડર બંધ થતા ખેડૂતો માટે મુશ્કેલી સર્જાઈ હતી.

રાજકોટ ગ્રામ્યમાં એક ફીડર અને 31 વીજપોલ ડેમેજ થયા છે. આ ઉપરાંત મોરબીના એક ફીડર 38 વીજપોલ, પોરબંદરમાં 3 ફીડર 8 વીજપોલ, જુનાગઢમાં 15 ફીડર અને 24 વીજપોલ જામનગર 9 ફીડર અને 107 વીજ પોલ, ભૂજમાં 87 ફીડર અને 112 વીજપોલ, અંજારમાં 10 ફીડર 52 વીજ પોલ, ભાવનગરમાં 8 ફીડર 6 વીજ પોલ, બોટાદમાં 4 ફીડર બંધ થયા હતા,

ત્યારે અમરેલીમાં 19 વીજપોલ ડેમેજ થયા હતા. ધોધમાર વરસાદ પડવાના કારણે જુનાગઢના 3 જામનગરના 2 અને ભૂજના 6 ગામોમાં અંધારપટ્ટ છવાઈ ગયા હતા. વીજ વિભાગમાં જાણ થતા ભારે વરસાદ વચ્ચે વીજ કર્મીઓ રીપેરીંગ કામ હાથ થર્યુ હતું. અને લોકોની સમસ્યા દૂર કરવાનો પ્રયાસ કર્યો હતો.