‘ધી ગોડફાધર’ ફેમ હોલીવુડના હીરો જેમ્સ કાનનું 82 વર્ષે અવસાન થયું

હોલીવુડના દિગ્ગજ અભિનેતા અને ‘ધી ગોડફાધર’ અને ‘બ્રાયન્સ સોંગ’ જેવી ફિલ્મોમાં અભિનય કરી દર્શકોના દિલમાં સ્થાન પામનાર અભિનેતા જેમ્સ કાનનું 82 વર્ષની વયે નિધન થયું છે.

તેમના પરિવારે તેમના નિધનની ગુરુવારે જાણકારી આપી હતી. ટવીટમાં જણાવાયું હતું કે અમારે ખૂબ દુ:ખ સાથે જણાવવું પડે છે કે જિમ્મી (જેમ્સ કાન)નું 6 જુલાઈએ સાંજે નિધન થયું છે. ઉલ્લેખનીય છે કે જેમ્સ કાને 1960ના દાયકામાં હોલીવુડમાં એકટર તરીકે કારકિર્દીની શરૂઆત કરી હતી. 6 દાયકાની લાંબી કારકિર્દી દરમિયાન તેમણે અનેક ફિલ્મોમાં કામ કર્યું હતું.

છેલ્લી વાર તેઓ 2021માં રોમેન્ટીક કોમેડી ફિલ્મ ‘કવીન બીજ’માં જોવા મળ્યા હતા. તેમણે ‘કાઉન્ટ ડાઉન’, ‘ફની લેડી’ જેવી ફિલ્મોમાં કામ કર્યું હતું. કોમેડીયન એન્ડીરિચરે જેમ્સ કાનને શ્રદ્ધાંજલી આપતા જફણાવ્યું હતું કે હું નસીબદાર હતો કે મને તેમની સાથે કામ કરવાનો મોકો મળેલો. તેઓ શાનદાર કલાકારની સાથે સારા માણસ હતા. ડાયરેકર રોબ રીનરે જણાવ્યું હતું કે તેમની સાથે કામ કરવું ખૂબ સારું લાગ્યું હતું.