બુમરાહે સ્ટુઅર્ટ બ્રોડને ધોયો!: એક ઓવરમાં 35 રન બનતા વર્લ્ડ રેકોર્ડ બન્યો, આ પહેલા એક ઓવરમાં 28 રન બન્યા હતા

ઈંગ્લેન્ડ સામેની પાંચમી ટેસ્ટ મેચમાં પ્રથમ દિવસ રિષભ પંત અને જાડેજાના નામે રહ્યો હતો, જ્યારે બીજા દિવસે બુમરાહની બેટિંગના ભારે વખાણ થઈ રહ્યા છે. 84મી ઓવરમાં 35 રન બનતા વર્લ્ડ રેકોર્ડ સર્જાયો છે. ટેસ્ટ ક્રિકેટની આ સૌથી મોંઘી ઓવર છે. અત્યાર સુધી ટેસ્ટમાં એક ઓવરમાં 28 રન જ બન્યા હતા. જ્યારે આજે આ રેકોર્ટ તૂટી ગયો હતો. જેનો હિરો હતો કેપ્ટન બુમરાહ. 84 ઓવરમાં ન માત્ર ડ્રેસિંગરૂમમાં બેઠેલા ભારતીય ખેલાડીઓને હસી પડ્યા હતા, પરંતું તમામ દર્શકોને પણ મજા પડી હતી. બુમરાહ 16 બોલમાં 31 રન બનાવી નોટ આઉટ રહ્યો હતો.

ટેસ્ટ ક્રિકેટમાં એક ઓવરમાં સૌથી વધારે રન

➤ 35 રન, બર્મિંગહામમાં 2022માં, હીરો જસપ્રિત બુમરાહ.
➤ 28 રન, જોહનિસબર્ગમાં 2003માં, હીરો બ્રાઈન લારા.
➤ 28 રન, પર્થમાં 2013માં, હીરો જોર્જ બેલી.
➤ 28 રન, પોર્ટ એલિજાબેથમાં 2020માં, હીરો. કેશવ મહારાજ.

આ ઉપરાંત ટી20 ક્રિકેટમાં પણ સૌથી વધારે રન બનાવવાનો રેકોર્ડ પણ સ્ટુઅર્ટ બ્રોડના નામે છે. 2008ના ટી20 ક્રિકેટ વર્લ્ડકપમાં યુવરાજ સિંહે તેની એક ઓવરમાં છ છગ્ગા માર્યા હતા.